عاشت تهلويسات زياد الرحباني

كالعادة بعد طول غياب نرجع ندون

أما المرة هاذي منيش باش نكتب المرة هاذي فيديوا باش يحكي

إليكم تهلويسة من تعلويسات زياد الرحباني " سياسيس " مشاهدة ممتعة هههههههه

الله يرحم بيك يا سي " بروقريسيف ليبر " ما كان عندو حاسوب ليتصفح تونس نيوز والفجر نيوز ولا الحوار نات بد تإلي مش معقول ؟؟ ولا النهضة و لا زيتون لا شو العصر الجليدي نات ليشوف و يشوفك لي يربيك على حركة التاريخ كيف هي فعلا غير تاريخك الإلي تحكي عنوا ههههههههههه

(تدوينة شبه بيضاء من أجل حريتنا ( نحن مستعملي البلوغر

مع قرب توديعنا للسنة الحالية 2009 و أحنا مازلنا نواصلوا في حملاتنا الإفتراضية الإحتجاجية كانت بعضها ناجحة (حسب رأيي ) كيما " 404 " و حملة التضامن مع رفيقتنا المدونة " فاطمة أرابيكا " طبعا مانيش باش نقعد نسرد في القصص باش تكون على الأقل هذي التدوينة بيضاء نوعا ما

بإسم المدونة ( أطال البلوغر في عمرها ) و بشرف " التقدمي الحر " هذي التدوينة شبه البيضاء من أجل حرية التعبير و التدوين

و نستغل الفرصة و نعبر عن إحتجاجي على أوضاع " بلوغر تونس " إلي ولى كي دار التجمع الإفتراضية

و في الأخر منقولولهم كان

Quand les chats ne sont pas là, les souris dansent! :)

إذا لم ندعمها نحن... فمن سيدعمها؟! مجلة الأداب اللبنانية

لأجل أن تبقى منارة وشمعة مضيئة في درب الحرّيّة والثقافة التقدمية البنّاءة في وطننا العربيّ، وحتى لا تنطفئ هذه الشعلة بسبب الحصار المالي المسلّط عليها، نرجو من جميع الأصدقاء اقتناءها، ولمن يمكنهم أن يفعلوا مثلنا فيلتقطوا صورا لها، وينشروها، فليس أبلغ من الصورة

في

أداء الرسالة

رغم انف الحاقدين

أحنا التقدميين محناش مسلمين للدقيقة التسعين

في الآداب مكبشين

جيل البرستيج و الفايسبوك و الركايب الفارغة ؟؟؟

رجعنا لتدوين بعد فترة طويلة من الإبتعاد عن الكتابة " الإلكترونية ههه" و ذلك لاسباب عدة أهمها لقراية و فلق بني تجمع إلي جابولي الكآبة لطف عليكم

حسيلوا مانيش باش نتحلى برشا في الحديث

الأيامات داخلة بعضها في الشارع التونسي و العربي زادا بسب الكوورة ( مع اني ما ننكرش عشقي إلي يوصل في بعض الأوقات إلي التعصب اما بديت نكرها)

ما نعرفش منين باش نبدا الحاصيلو

واحد من الناس مانيش متحسر برشا

من اول 10 دقائق تفهم كل شيء

تشكيلة مشكشكة

برشا dechets

تارتون معروف موش متاع شدان كورة

ومتاع جورات خباث

"مشكلة الكورة التونسية في الوقت الحاضر معناش خباثة "

لا مع فهيد وبن سعادة لكلكوا الكورة لين حبوا واشتهاو

كويلهو زلاط من البريمة مع سي الماجري

راسي وجعني باش نفهم شنوا حب يعمل في التغييرات ما نجمتش

دخل خرج منا ومن غادي تقول خلاها الدنيا

وهو حل الصرة تلقي البلبولي يعاني وحدو مسكين

90

دقيقة

نلعبوا للترشح كان صدقني ربي ما عملنا حتي فرصة

تي ظاهرةو الحكاية ملاعبية لساناتها طالعة وتدز في ركايبها بالسيف

عادي مدام ال

préparateur physique

يحوس في الافريك

وباعث جواب يتبهنس فيه علي الشعب التونسي قالك ماتش موش محتاج

لتمارين تاع لياقة

جورات كبرناهم بالفارغ هاو مليارات هاو رويق فارغ

وقتلي الارنب طارت السلوڤي.... مشاي

لا روح لا قليب حتي شويا خبث ما فماش طيح خوذ كوفرون

اهبط عليه ملول كسرو فمو خلي يخاف

الموزمبيق ولات تدور في الكورة علينا

بفففففففففففف ملا حالة وملا هي

مسؤولين عملوا العار بالعشوائية والاعتباطبية متاعهم

نورمالمون الوقيت هذا الشعب التونسي راهو شايخ وعامل بون كيف

غدوة احد وبعد غدوة اثنين برا يا سلاك الواحلين اش باش يعديهم

مهزلة يتحملها كل الاطراف ان شاء الله نشوفوا شكون يحاسبهم

ولو مرة في العمر

مستقبل الكورة التونسية يخوٌف برشا

المشهد السياسي في رمضان بعنوان حومتي مع بن علي ؟؟؟

إنقطعت عن الكتابة في هذي المدونة ( أطال البلوغر في عمرها) إلي بصراحة بديت نفد منها و الحق يقال كل مالإنتخابات تقرب المواطن يفدّ من هالدنيا , تجيه حالة إكتئاب يقعد يشوف في الجزيرة كيفاش في غانا و بوركينا فاسو إتكون فيها1 بالمائة فارق بين زوز مترشحين ؟؟؟ هذا في بلدان العالم الثالث في التصنيف الثالث و الرابع متاعو؟؟
بديت نفد يا جماعة مش من هذا أكهاو أمّا أنا مواطن عادي بديت نتفلق من حاجة أخرى و إليها

العالم إلي داير بيا مع بن علي زعيم قبيلة التجمع

كي نقلكم متصدقوش و ين مانمشي في هذي البلاد لازم نتكرز نخرج باش ناخذ تكسي نقاه مزين بالبنفسجي و مع الكوميسار الكبير
مشيت هزيت صاحبي لمحطة القطار كيفكيف كرهبة مزينة و محرقصة ( و الحق يقال برجولية خصارتها هكي الكرهبة ياسر سبور مسختها
تصاور العزوز )

مشيت لسوسة هاللايمات أول مهبطت من القلعة الصغرى نقى معمل قدامي عامل بلاكة الفوق أكبر حتى من بلاكتوا كاتب عليها " معمل الأجر بالقلعة مع بن علي 2009 " ؟؟؟ حتى معمل الأجر معاه يا خويا مزهروا بصحتو برجولية ههه
يقول القايل حكاية فارغة تاكسيات و كراهب و معامل نقلوا أنا إلي كرزني بالحق هو إنو" حومتي مع بن علي" ؟؟؟؟؟؟
أيه يا جماعة حومتي مع بن علي شلقت بها عندي يومين وقتى شفت شباب من أقذر شباب الحومة هكومىة إلي يبيعوا روحهم على خاطر 10 دينار يعملوا في بندرولات و أعلام في كوخ الكلب ( سامحوني الشعبة نقصد ) أأأه ياناس راني موجوع الناس يحبوني يردوني مع بن علي حتى حومتي

و مش كان حومتي برك شد عندكم

ــ قهوة الذبان و جميع أحياء العاصمة الداخلية المطلة عل الغرب المحايد مع بن علي

ــ حي الدرابك و الحفارة و الكزمات مع بن علي
ــ حي لافيات و العوايات و السيجومي و حي الكامندية مع بن علي
ـ حومة السمرة و حي الفيتنام مع بن علي
ــ شط مريم و برج خديجة و بسين علياء مع بن علي

و هي وقفت في الشارع برك لااا
حتة في الدار أبدى بالتلفزة و الراديو و الأهم في رمضان هذا شهر البيضان و تنتين الكشخة الطاولة متى الماكلة و ما أدراك مى معنى الماكلة في رمضان واحد يبدى نهار كان الدخان و الماء ( ماهو من كثرة الحريات في تونس حتى في رمضان واحد معندوش الحق ياكل ) نقعد نستنا بفارغ الصبر وقت الإفطار باش واحد ياكل حاجة بنبينة من عند امي الحنينة
نجي باش ناكل الشربة نسمع حس يقلي " أنا الشربة مع بن علي 2009 " ؟؟؟؟؟؟؟؟
ــ الزلابية و المخارق مع بن علي بعد إعلان باجة البيعة
ــ الطاجين مع بن علي و البريك في حيرة
ــ المقرونة مع بن علي و ذلك بعد تزكية برلسكوني
ــ اللوبية و المحمص و المسفوف و الكسكسي و الشكشوكة
حسيلو كل الماكلة مع بن علي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لكن الغريب فما ناس مش مع بن علي و قبيلتو
اولا السلتيا و ما أدراك ما السلتيا ترشح نجيب الشابي و السبب أن السلتيا محرمة في رمضان و لا يمكن إقتنائها رغم أن القانون الأصلي لا يمنع شربها و بمأن الشابي و هو على الأقل شخصية مناضلة لا يستهان بها و منعه القانون الإستثنائي من الترشح أعلنت السلتيا ترشيح الشابي ههه

السلتيا مع الشابي

بما أن هلال رمضان زكا بن علي فالنجمة رشحت بن إبراهيم ( الند بالند ) ههه

نجمة رمضان مع بن إبراهيم

و برجولية نحس إلي هذي أخيب مقال عملتو في حياتي لأني معاش فيا قبيلة بني تجمع باش يغلبوا عليا

أكبر تفشليم صار في حياة التوانسة

عدو التقدم العنكبوتي

على الأقل هذا هو العدو العنكبوتي المعترف به من قبل التوانسة الكل إلي يستعملوا الإنترنات من المثقف للبوهالي و إلي يقولوا لا سامحني فيهم هذومة ناس ماتحشمش و ولاد [ ق ..ة ] و مأالهم إلى مزبلة التاريخ في الأخر
هذا العدو أثار خلاف حول كيفية مواجهته و إنقسموا التوانسة إلى قطبين
+ القطب الأول : هو إلي كان أكثر شعبية و فعالية و قاده جملة من المثقفين و السياسيين أبرزهم الرفيق المدون عياش مالمرسى هذا القطب قام بحملة شرسة على عمار و شلتوا في المدونات و الفايسبوك و تويتر ...... الخ
+ القطب الثاني : هو إلي كان أكثر سذاجة و تفاهة و قادوه مجموعة من التجمعيين و مواطنين بوهاليين ما ينتقوا مالدنيا شيء كان إستعمال الفايسبوك هذا القطب قام بحملة يدعو فيها رئيس شبه الدولة بفتح موقعين فقط ؟؟؟؟ يوتيب و داليموشين و معليلين تحركهم بمافعله الرئيس حين أزال الحجب عن الفايسبوك
شوف عاد اااااااااااا باللاهي فما دولة حاجبة الفايسبوك هيا ؟؟؟؟ عاد كان تولي تونس الوحيدة إألي تحجب الفايسبوك تولي بورجولية فضيحة بجلاجل

بالنسبة ليلي أنا قبل عاميين كنت نعتقد كتخرجلي هكي " نوت فوند "راهوا هكا مالموقع و بعد ما أكتشفت الحقيقة بالصدفة وقتا كنت نعمل بحث حول الأنترنات و الملتمديا دغششت برشا لأني ملي أنا صغير ما نحبش واحد يقصي غيروا مل الكلام و يقعد يلقن فيه و يغسلوا دماغوا كالمعلم و الأب إلي يهز ولدو بصيف للجامع و يقلو هذا حرام و هكا حرام.
برشا صحابي قالولي ميسالش حكاية فارغة خوذ لوجيسيال و كي يتحرقلك هبط لوجسيال أخر و ديما يمشي جربتها لحكاية جمعة و ممشاتش في مخي
تي علاش نعمل في لوجسيال و أنا من حقي ندخل اليوتيب مثلا من غيروا كيف البشر في العالم علاه ؟؟؟؟ أحنا عبيد, مواطنين درجة رابعة,رعايا ؟؟؟؟؟
لين شفت الحملة متى

free from 404

و قتها عرفت إلي أقوى سلاح باش تفتك مكسب في الدنيا هذي و باش تحقق التقدم لناس الكل هو بالعزيمة و الإحتجاج الجماعي المنظم و بالفعل مش بالكلام
المرة هذي إستقطبت أكثر من 9000 تونسي المرجايا تستقطب أكثر من 50000 بالعزيمة و بالتنظيم الجيد المسبق و باش خشم عمار يتيح في القاعة

الإعجاز العلمي أم العجز العلمي

ما يحيّرني ويقدح حرائق الأسئلة في ذهني هو حجم الأموال التي تهدر للترويج لما يسمّى بالإعجاز العلمي، بين تأليف ونشر وإعلام ومراكز "بحث" بين مزابل علماء الغرب ووو... مبالغ خياليّة صدّقوني، فلكيّة...
قلت ما يحيّرني هو لماذا تصرف هذه المبالغ الأسطورية على مجموعة من ملتحي العقول ليتصيّدوا كلّ بحث علمي جادّ أو غير جادّ، نظريّ أو تطبيقيّ، يبتترونه من سياقه، ويخضعونه لسرير التطويع القروسطي فيبتروا منه ما زاد ويمطّطوا منه ما قلص، حتى يواتي نصّا يتأوّلونه من القرآن ويصرخوا هاتفين بالفتح المبين: أنظروا لقد جاء هذا في القرآن منذ أكثر من 14 قرنا.
تصرف هذه المبالغ وتهدر هذه الأنهار من البترودولارات على إثباتات متعسّفة أحيانا وربما مطابقة أحيانا أخرى لنصّ مبتور من سياقه، فما كان أجدى أن تصرف على البحث العلمي نفسه؟
يحاولون أن يثبتوا لنا أننا لسنا بحاجة إلى العلم فلدينا العلم كله بين أيدينا وما فرّطنا في الكتاب من شيء، فدعوني أتسائل: لماذا هذا الإصرار على تجذيرنا في ملكوت الجهل وعزلنا عن التطوّر؟؟ ومصلحة من يخدمون؟؟

أجنحة ماغون