الصحوة الإسلامية؟؟؟؟

هذي تصويرة الأخ عياش عندها برشا قرابة ثلاث أشهر أو أكثر عجبتني وقتها و سجلتها في الحاسوب متاعي
ليوما الصباح قررت باش نفرغ شويا مالحاسوب متاعي علخاتروا تعب ياسر, حسيلو بديت نفسخ في البرمجيات و الفيدوات و التصاور إلي ما نستحقهمش و أنا نفسخ نقى هذي الصورة الكاريكاترية متى خونا عياش قعدت دقايق نتفرج عليها و أنا نضحك لكن في الحقيقة أنا نبكي في قلبي و قررت باش ما نمشيش عليها مرور الكرام و الحل هو المدونة أطال بلوغر في عمرها
و إلأي حطني نبكي في قلبي هوما هذوما أصحاب لهراوات والروب
هاذومة ضحايا الوهابية و الصوفية !!!!؟؟؟

هاذومة ضحايا القنوات الدينية و الكتب صفراء

هاذومة ضحايا السلطة و توجهها نحو تديين المجتمع تديننا معتدلاً ( لا ينش و لا يفش )

هاذومة ضحايا جماعة الدعوة التي تتجول في شوارع دون مراقب بينما يعتقل المناضلون والمثقفون في كل مكان

هاذومة ضحايا المجتمع إلي مطورش عندو عقود و قرون

هاذومة ضحايا " الصحوة الإسلامية!!؟؟؟

و هنا لازم نعملو وقفة على ما يسمى الصحوة الإسلامية . هذي كلمة تحتني نموت بالضحك كيما المادة إلي كنا نقراوها " التفكير الإسلامي " ههههه تي كيفاش تفكير و إسلامي ؟؟؟؟؟؟ مادة لنفكرو فيها كان أحفظ و صب و نقل من عند صاحبك و سؤال إنشاء ( إلي نورمالمون واحد يفكر فيه من وجهة نظر إسلامية ) و باش تاخذ عليه عدد باهي لازمك تكتب " بإسم الله الرحمان الرحيم " و تجيب في أحاديث و ميسالش كان تكتبهم بالغالط إلمهم تقول ( عن أبي ......... أنه و الخخخخخ ) و كال الله كال الرسول كيما يقول اللمبي و هكا علاه أنا عمري لا خذيت في الماتير المرزبا هذي أكثر من 11|20 بلاهي شتحبوني نعمل نحكي على ظاهرة إجتماعية ب قال أبو فلتان ؟؟؟ نفسر ظاهرة إجتماعية متى تو بكلام مالقرن 7 ميلادي ؟؟؟ علاه النفاق مانيش لحاس أنا
باللاهي كيفاش صحوة إسلامية ب كتاب " كيف تمارس الجنس ليلة الدخلة حسب الطريقة الشرعية "حتى في الجنس يحبوا يتحكموا فينا ؟؟؟؟ و لا بفيديوات عذاب القبر و إبليس يوم القيامة ؟؟؟؟
يزي نحس توا أبرك فرغت إلي في قلبي من هذي التصويرة

عدو التقدمية العنكبوتية

على الأقل هذا هو العدو العنكبوتي المعترف به من قبل التوانسة الكل إلي يستعملوا الإنترنات من المثقف للبوهالي و إلي يقولوا لا سامحني فيهم هذومة ناس ماتحشمش و ولاد [ ق ..ة ] و مأالهم إلى مزبلة التاريخ في الأخر
هذا العدو أثار خلاف حول كيفية مواجهته و إنقسموا التوانسة إلى قطبين
+ القطب الأول : هو إلي كان أكثر شعبية و فعالية و قاده جملة من المثقفين و السياسيين أبرزهم الرفيق المدون عياش مالمرسى هذا القطب قام بحملة شرسة على عمار و شلتوا في المدونات و الفايسبوك و تويتر ...... الخ
+ القطب الثاني : هو إلي كان أكثر سذاجة و تفاهة و قادوه مجموعة من التجمعيين و مواطنين بوهاليين ما ينتقوا مالدنيا شيء كان إستعمال الفايسبوك هذا القطب قام بحملة يدعو فيها رئيس شبه الدولة بفتح موقعين فقط ؟؟؟؟ يوتيب و داليموشين و معليلين تحركهم بمافعله الرئيس حين أزال الحجب عن الفايسبوك
شوف عاد اااااااااااا باللاهي فما دولة حاجبة الفايسبوك هيا ؟؟؟؟ عاد كان تولي تونس الوحيدة إألي تحجب الفايسبوك تولي بورجولية فضيحة بجلاجل

بالنسبة ليلي أنا قبل عاميين كنت نعتقد كتخرجلي هكي " نوت فوند "راهوا هكا مالموقع و بعد ما أكتشفت الحقيقة بالصدفة وقتا كنت نعمل بحث حول الأنترنات و الملتمديا دغششت برشا لأني ملي أنا صغير ما نحبش واحد يقصي غيروا مل الكلام و يقعد يلقن فيه و يغسلوا دماغوا كالمعلم و الأب إلي يهز ولدو بصيف للجامع و يقلو هذا حرام و هكا حرام.
برشا صحابي قالولي ميسالش حكاية فارغة خوذ لوجيسيال و كي يتحرقلك هبط لوجسيال أخر و ديما يمشي جربتها لحكاية جمعة و ممشاتش في مخي
تي علاش نعمل في لوجسيال و أنا من حقي ندخل اليوتيب مثلا من غيروا كيف البشر في العالم علاه ؟؟؟؟ أحنا عبيد, مواطنين درجة رابعة,رعايا ؟؟؟؟؟
لين شفت الحملة متى

free from 404

و قتها عرفت إلي أقوى سلاح باش تفتك مكسب في الدنيا هذي و باش تحقق التقدم لناس الكل هو بالعزيمة و الإحتجاج الجماعي المنظم و بالفعل مش بالكلام
المرة هذي إستقطبت أكثر من 9000 تونسي المرجايا تستقطب أكثر من 50000 بالعزيمة و بالتنظيم الجيد المسبق و باش خشم عمار يتيح في القاعة